Ruta de Emilia Pardo Bazán pola comarca do Carballiño.

Hoxe facemos un percorrido que reúne todos os elementos para ser unha ruta de éxito; paisaxes preciosas, arquitectura palaciana; igrexas románicas e barrocas e cruceiros dignos de ver. Por se fora pouco, a ruta é ademais literaria; pois moitos dos lugares que recorreremos foron escenarios da vida e da obra dunha das grandes escritoras da literatura española, Emilia Pardo Bazán; escritora, xornalista, tradutora, editora, condesa, feminista… O que ven sendo unha muller libre e adiantada ao seu tempo.

O seu paso pola comarca do Carballiño debeuse ao seu casamento temperá ,con só dezaseis anos, co carballiñés José Quiroga Pérez de Deza; un fidalgo pertencente a unha familia sen títulos nobiliarios pero cun inmenso patrimonio difícil de cuantificar … A partir dese momento, a escritora vai pasar longas tempadas nas propiedades que os Quiroga posúen na comarca; na casa familiar dos Quiroga no centro urbano, que case parece estar presidindo a praza maior da vila que foi escenario da súa obra El cisne de Vilamorta, e tamén no Pazo de Banga , que Emilia denominou o Balcón do Ribeiro, a donde acudían a finais do verán co gallo das festas da vendima…

Camiño que leva ao pazo de Banga

Empezamos a nosa ruta guiados por un grupo de membros do Centro de estudios Chamoso Lamas cos que nos reunimos na Praza Maior do Carballiño; xusto en fronte da Casa dos Quiroga, de cuxos soportais pende unha placa na que se indica que alí residiu a escritora Emilia Pardo Bazán nas tempadas de verán… Iniciamos a nosa andaina pola rúa principal que leva o nome doutra escritora galega,Rosalía De Castro, en dirección sur ata a praza que a vila lle adicou a Emilia Pardo Bazán , na que aparece un busto da escritora, e algo máis adiante unha placa bastante deteriorada cunha mensaxe que se puxo en memoria das vítimas da violencia de xénero: “Amo máis non teño amo” da poeta Carmen Blanco.

Casi en fronte desta praza estaría o vello casino da vila que tamén aparece descrito na obra. A que logo foi a Casa do Soto é a día de hoxe un solar baleiro…

Saímos do centro urbano pola rúa Calvo Sotelo e metémonos pola rúa que hai entre o colexio Calvo Sotelo e Casa da Cultura ( Rúa camiño Calviño), transitando esta vez por un camiño real en dirección á Igrexa románica de Mesego (Igrexa de Santa María de Mesego) … Despois de visitar a igrexa e o cemiterio de Mesego, seguimos o noso camiño cara Sagra onde se atopan as igrexas de Sagra a man esquerda, e pola dereita a de Bouteiro; que por problemas de tempo non puidemos visitar; pero dixéronnos que a súa visita é altamente recomendable… Seguimos o noso percorrido ata chegar ao pobo de Banga ; onde nos atopamos coa primeira escola pública da zona que foi construída cos cartos que viñan da emigración, dos fillos de Banga en Bos Aires; é unha escola que foi renovada varias veces pero que conserva ben a estructura do edificio, aínda que xa non esté en activo…

Seguimos por Cima de Vila, onde podemos ver outros pazos que pertenceron a familia dos Quiroga e que agora están totalmente reformados. Por un camiño de pedras ( o camiño vello) chegamos ao Pazo de Banga onde acudía Emilia e a familia do seu home durante o verán …Un pazo con un gran escudo presidindo a fachada e cun balcón con vistas impresionantes dos viñedos construídos en socalco. Tristemente o pazo non está restaurado nin ben coidado, o que é una auténtica pena, ou non…porque pode ser que así manteña aínda máis viva a memoria do pasado.

Seguimos a nosa ruta hacia a Igrexa de Santa Baia, Santa Eulalia de Banga, onde a escritora asistía á misa, e visitamos tamén o Panteón Familiar dos Quiroga; xusto en fronte da porta principal da igrexa. Alí repousan os restos de José Quiroga, marido de Emilia Pardo Bazán , xunto co seu irmán Eduardo , que foi o herdeiro do Gran Balneario do Carballiño, e outros membros da familia…

Para rematar a nosa andaina do mellor xeito posible, chegamos ao pobo de Cabanelas por un camiño que parece formar parte do camiño Miñoto O Ribeiro ; onde descubrimos unha cruz nun valado do ano mil oitocenos e pico… En Cabanelas pasamos pola igrexa, que loce con moi boa estampa, suspendida sobre as terrazas… e visitamos a adega dun pazo que tamén pertenceu a familia dos Quiroga, en Belvís. Unha adega que ademais de manter moitas cubas antigas, cheira como as adegas de antes … E como non; aproveitamos para disfrutar das vistas e deixámonos cautivar pola fermosura da paisaxe de Cabanelas coas viñas empezando a agromar.

Lonxitude total: 6 kilómetros

Tempo estimado: Unhas catro horas

Dificultade: Baixa

Recomendacións: Levar calzado cómodo e cámara de fotos

Curiosidades: O Pazo de Banga permanece pechado, a foto do seu interior foi sacada por un burato da porta.

So me queda agradecerlle ao Centro de Estudios Chamoso Lamas por guiarnos neste roteiro e o Concello do Carballiño por colaborar en actividades tan interesantes e disfrutables coma esta, para conmemorar o Centenario da Morte de Emilia Pardo Bazán e metela dentro dos actos deste ano para a celebración das Letras galegas.

Todas as fotos e os comentarios pertecen a autora do blog ,agradécese calquera rectificación.

  2 comentarios para “Ruta de Emilia Pardo Bazán pola comarca do Carballiño.

  1. 26 mayo, 2021 en 3:35 pm

    Magnífica entrada, Rocío. Vilamorta… non sei… a ti gústache o nome?

    Le gusta a 1 persona

    • 26 mayo, 2021 en 7:21 pm

      Grazas! 🙂 No século XVIII tiña que haber moita diferenza entre as cidades e a vida no rural… Ela viña de vivir en cidades con máis actividade e ademais aquí só coñecida á familia do seu home… É bastante comprensible que o pobo a aburrira. Por outro lado a xente do Carballiño tiña a mentalidade de vila daqueles tempos… Coñecín a unha señora que xa morreu, que me contou que a súa nai era modista e iba a coser á casa da Pardo Bazán e comentaba que a súa nai lle dicía que Dona Emilia era moi descocada e que andaba polos bares bebendo cos homes… Porque daquela os bares eran para os homes. Pode que ninguén llo dixera á cara, porque era condesa e a ver quen lle tusía… pero tampouco estaría feliz sentíndose observada como un bicho raro … Tiña que vir noutros tempos!! 😉

      Me gusta

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

Haydeé Hedderich

Estilo de vida cósmica y bienestar

Tablaturas de mis pasos

Espacio para mostraros con palabras y fotos los lugares que voy conociendo y que me hacen feliz

jose morales jmlfoto

Toda la verdad proviene de la observación de la Naturaleza

Blog 1957

parole dentro parole

Culturalizando

Artigos para Reflexão, Resenhas, Filosofia, Frases de filósofos, Cultura e Arte

Lectura Online

La educación es un producto de la cultura, al mismo tiempo que la cultura se difunde, desarrolla y profundiza con la educación. ... Es necesario porque interferencias políticas están banalizando y empobreciendo ambos conceptos y a la administración pública de ambos productos, conquistados en la historia por la humanidad.

Cerebroatípico.com

Blog donde puedes leer todo tipo de artículos. Desde creatividad, hasta técnicas de estudio, música etc. Blog where you can read everything. About music,apps,tips for studying, etc.

Marcapáxinas da Cairesa

Blog de María Luisa Otero, dedicado al coleccionismo de marcapáginas. E-mail: viloide.luisa@gmail.com

Faros de Galicia

Viajes por la Galicia de los faros.

Reve Cossue

Encadenado a mis palabras, fiel a mi corazón

Ecologia, sentido y cultura.

Un antropólogo socialista dedicado a compartir sobre las relaciones entre los seres humanos y con la naturaleza.

Soy como el junco que se dobla, Pero siempre sigue en pie

Mi vida está llena de recuerdos y muchos de ellos asociados a canciones. Me gusta compartirlo con quienes aquí os asoméis.

Everything

l am Pakistani

telodigosindecirlo

realidad interpretada

Los viajes de Luciabox

Relatos de viajes y cruceros

Continente

Por E.J.

A %d blogueros les gusta esto: